Ég er búinn að marghorfa á Silfur Egils frá því í dag og hef skemmt mér nokkuð vel en einnig hef ég skoðanir á sumu. Eiríkur Svavarsson frá In Defence, minn gamli skólabróðir úr MR, og Birgitta Jónsdóttir úr Hreyfingunni vöktu athygli mína umfram aðra gesti Egils, aðrir höfðu frekar lítið til málanna að leggja. (MYND: Hvar er skjaldborgin Jóhanna, er hún kannski hin týnda borg eins og allt annað sem kemur frá þínum flokki?)
Það vakti mikla athygli hjá mér að enginn nefndi ábyrgð Landsbankans nema Eiríkur Svavarsson. Vissulega segir það töluvert að þjóðin segi eitt feitt NEI við því að við ætlum að þrífa upp skítinn eftir Sigurjón Árnason og Björgólfsræflana en af hverju segir enginn neitt um það í þáttum á borð við Silfrið?
Það var ömurlegt að horfa á kommúnistana reyna að verja sinn málstað, Sjálfstæðismenn komu okkur í þetta, enginn kýs Bændaflokkinn og Hreyfingin gerir sig að fífli daglega. Hvað á maður þá að kjósa? Ég verð reyndar fluttur burt af landinu í næstu kosningum en annars félli ég undir auða og ógilda seðla. Nema Jón Gnarr og Besti flokkurinn bjóði fram, þaðan kæmi mitt X. En ég vil ekki sjá kommadruslurnar og Sjallana á þingi aftur, aldrei. Jóhanna og Steingrímur voru eins og kjánar hjá Agli í dag. Þarna er fólk sem kann að gefa kosningaloforð…og svíkja þau.
Follow