Prófessor Paul Francis sem þar starfar segir nú horfa til vandræða, meðal annars í rannsóknum á alzheimer-sjúkdómi og einhverfu, vegna þess hve mjög hefur dregið úr því að dauðvona fólk með heilbrigðan heila gefi þetta einstaka gráa líffæri vísindunum til framdráttar en þau munu efla alla dáð, orkuna styrkja og viljann hvessa sé eitthvað að marka Jónas Hallgrímsson.
Francis segir æskilegt að fá 300 heila gefins ár hvert til rannsókna á alzheimer-sjúkdómi en um þessar mundir sé eingöngu tíundi hlutinn af þeirri tölu tiltækur við Oxford-háskólann. Prófessor Margaret Esiri við þá stofnun segir mörgu fólki standa stuggur af því að gefa úr sér heilann þótt það sé boðið og búið að gefa flest annað úr sér. Heilinn sé undirstaða viðkvæmra sviða á borð við hug þeirra og sjálf og bókstaflega það líffæri sem gerir eigandann að því sem hann er. Það þyki því ekki öllum góð latína að gefa einhverjum læknum þessa undirstöðu eins og börnum brauð.
Follow