Eftir langvinnar rannsóknir og mikla fræðimennsku gerði Playboy það heyrum kunnugt nú fyrir helgina að fjörugasti háskóli Bandaríkjanna væri Háskólinn í Miami. Þeir hjá Playboy tala þarna um ‘top party school’ og birta í ritinu lista yfir þá tíu skóla sem helst eru taldir skara fram úr á þessu sviði.
Author Archive | Atli Steinn Guðmundsson
FollowHið illa eðli fimmtudagsfría
Næstkomandi fimmtudag hefst sumar okkar Íslendinga opinberlega. Samkvæmt áratugahefð er þetta frídagur. Það sama gildir um uppstigningardag (sem heitir því frábæra nafni Himmelfahrt á þýsku). Þessi fimmtudagsfrí ná gjörsamlega að eyðileggja vikuna. Hvað veldur því að við höfum ekki fyrir löngu síðan fært fríið yfir á föstudag þótt hátíðardagurinn haldi sér sem fimmtudagur? Rökin eru […]
Þetta er Jóhann
Íslenskri erfðagreiningu hefur tekist að einrækta páskaungann Jóhann eftir áratuga tilraunir. Jóhanni er ýmislegt til lista lagt, hann getur sagt örfá orð á íslensku, skitið, keypt hlutabréf í FL Group og kosið Lýðræðishreyfinguna. Færustu sérfræðingum deCODE hefur þó ekki enn tekist að gera Jóhanni kleift að fljúga en verið er að gera tilraunir með að […]
Carry On-framleiðandinn allur
Peter Rogers, framleiðandi bresku Carry On-myndanna, er látinn, 95 ára að aldri. Rogers framleiddi allar myndirnar en þær urðu 31 þegar upp var staðið og voru gerðar á árunum 1958 – 1978 auk einnar árið 1992.
Fyrsta myndin var Carry On Sergeant en svo hófst þessi mikla fjöldaframleiðsla við Pinewood-myndverin sem íslenskt sjónvarp og kvikmyndahús fóru ekki varhluta af en nokkrar myndanna voru sýndar hér á landi.
Rod Blagojevich í raunveruleikasjónvarp
Rod Blagojevich, fyrrum ríkisstjóri Illinois, þurfti ekki að búa við atvinnuleysi lengi. Blagojevich vann sér það til frægðar í fyrra að ætla að falbjóða öldungadeildarþingsæti Baracks Obama í Illinois þegar hinn síðarnefndi hyrfi til annarra starfa.
Ófrjósemisaðgerðir aldrei vinsælli
Bandaríkjamenn gangast nú undir ófrjósemisaðgerðir sem aldrei fyrr. Frá þessu er greint í New York Times og segjast sérfræðingar sem þar er rætt við sjá glöggan svip með ástandinu sem ríkti í kreppunni miklu á fjórða áratug síðustu aldar en þá hafi fæðingartíðni snarlækkað í Bandaríkjunum.
Minnkuð löngun til barneigna mun vera fylgifiskur harðæris og þess að fólk sér fram á erfiða tíma. Læknir nokkur í New York segist hafa framkvæmt 13 prósent fleiri aðgerðir það sem af er þessu ári en á sama tíma í fyrra.
Læknavaktin er ekki með númerið 552-1230
Það var árið 1998, skilst mér á þeim upplýsingum sem ég aflaði mér hjá Símanum, sem Læknavaktin ákvað að leggja sínu gamalgróna símanúmeri, 552-1230. Hvort það var á þeim tímapunkti eða síðar sem þeir tóku upp númerið 1770 veit ég hins vegar ekki. Það var svo um mitt sumar 2003 sem ég, óafvitandi um þær […]
Er það ekki á Indlandi sem beljur eru heilagar?
Hvítvínsbeljan Viña Maipo frá Chile er nú sú ódýrasta (af hvítvíni) í ríkinu hér í Mosfellsbæ og kostar litlar 3.990 krónur (14. apríl 2009). Þetta er ódýrt hvítvín með sætum keim frá fjarlægu ríki í Suður-Ameríku. Alveg nóg fyrir mig til að sötra yfir heimanámi eða lestri fagurbókmennta, ekki kvarta ég yfir gæðunum. Beljan telur […]
Elsta klámstjarna Japans ekki á því að leggja árar í bát
Shigeo Tokuda er 75 ára gamall. Hann kallar þó ekki allt ömmu sína og lét þennan virðulega aldur og nokkur grá hár ekki aftra sér frá því að hefja tökur á nýrri klámmynd um páskana. (Hann heldur sér vel kallinn eins og myndin ber með sér./Reuters)
Tokuda byrjaði reyndar í seinni kantinum, hann hafði unnið á ferðaskrifstofu mestalla starfsævina og var 59 ára gamall þegar hann lék í sinni fyrstu klámmynd. Það virðist þó hafa gengið ágætlega því síðan eru verk hans orðin rúmlega 200. Leikstjóri nýju myndarinnar segir þetta vera japönskum eldri borgurum þarfa áminningu um að aldur sé ekki eitthvað sem þurfi að aftra fólki frá því að stunda kynlíf.
Íbúðin í rúst á Facebook
Carolyn Lorimer leigði ungu pari íbúðina sína í Folkstone í Kent og hafði ekki frekari áhyggjur af málinu. Leigjendunum kynntist hún gegnum leigumiðlun þar í bænum sem sagði þau hið grandvarasta fólk, ráðvant og ráðdeildarsamt.