Hollenska sjónvarpsstöðin RTL hefur farið þess á leit við mig að finna handa sér einn viðmælanda sem hyggst greiða já-atkvæði í þjóðaratkvæðagreiðslunni á laugardaginn – fari hún fram á annað borð. Ég tek fram að RTL mun einnig ræða við fólk sem ætlar að greiða nei atkvæði. Nóg er hins vegar af viðmælendum þeim megin. […]
Egill Helgason er vel að þeim Edduverðlaunum kominn, sem honum féllu í skaut á hátíðinni í gær, hvort tveggja Kiljan og Silfrið eru þættir sem maður vill helst ekki missa af. Þær eru ekki margar eftir, rósirnar í hnappagötum Ríkissjónvarpsins sem þessa dagana heldur þjóðinni í leiftrandi heljargreipum spennu yfir endalausum útsendingum frá vetrarólympíuleikunum í […]
Ég fékk heimsókn frá franska ríkisútvarpinu í gær. Renaud Candelier, útvarpsfréttamaður þaðan, tók hús á mér skömmu eftir að ég hafði ritað hér ítarlegan pistil um að ég væri veðurtepptur heima hjá mér. Candelier, sem er einfættur og gengur við staurfót, lét sér þó ekkert fyrir brjósti brenna og braust hingað í Mosfellsbæinn eins og […]
Við erum veðurteppt heima og það skiptir nákvæmlega engu máli! Það hefur ótvíræða kosti í för með sér að þurfa ekki að komast nokkurn skapaðan hlut. Ég hefði heldur betur setið í súpunni hefði ég þurft að vera mættur í vinnu í annað byggðarlag klukkan 6 í morgun eins og var fram að áramótum. (MYND: […]
Kastljós á hvern stórleikinn á fætur öðrum þessa dagana, einkum í kvöld og í gærkvöldi. Gögn frá yfirheyrslum yfir þeim Milestone-bræðrum komu svo sem ekkert óvart eftir ítarlega umfjöllun DV um þá síðustu vikur. Þetta eru einfaldlega siðblindir vitfirringar fyrir allan peninginn, gjörið svo vel og farið í meiðyrðamál við mig að vild. (MYND: Mánudagsmorgunn […]
Bók Þorsteins Antonssonar frá 1991, Áminntur um sannsögli, sem fjallar ítarlega um móður íslenskra sakamála, hið dularfulla hvarf Guðmundar og Geirfinns Einarssona árið 1974, er býsna fróðleg lesning. Þorsteinn byggir bókina á viðtölum við Sævar Ciesielski auk málskjala, fjölmiðlaumfjöllunar og upplýsinga úr hinum og þessum áttum. Hann dregur enga fjöður yfir hvílíkt klúður málareksturinn var […]
Hún var ekki slæm, brjóst- og bicepæfingin sem átti sér stað í World Class Laugum í dag. Eiginlega var hún jafngóð og axlaæfingin á fimmtudaginn var ömurleg en sú fór fram í World Class Seltjarnarnesi. Er það staðsetningin? Er eitthvað í vatninu þarna í Laugum eða hvað er málið? Sennilega ekki. Sumir dagar eru bara […]
…en Agli Helgasyni tekst það svo sannarlega í þessum stutta en hnitmiðaða pistli sem hittir alveg gjörsamlega í miðjuna: Skilanefndarmenn eru hin nýja yfirstétt á Íslandi. Ríkisstjórnin horfir aðgerðarlaus á spilinguna sem dafnar í kringum hrundu bankana og þykist ekki geta gert neitt. Ráðamenn segjast vera agndofa og hneykslaðir, en hafa í raun gefið endurreisn […]
Á morgun hefst formleg húsnæðisleit í Sandnes, eins konar Kópavogi sem gengur út úr Stavanger og hýsir rúmlega 60.000 manns. Auglýsing eftir leiguíbúð birtist á morgun og næstu fjóra daga í Stavanger aftenbladet. Ég skrifaði heljarinnar lýsingu, hámarkslengd smáauglýsinga í blaðinu sem er ellefu línur. Snúnast var að útskýra að íbúðin yrði að hafa minnst […]
Forsætisráðherra átti fá svör við fyrirspurn stjórnarandstöðunnar um hvernig ríkisstjórnin hyggist snúa þeirri þróun við að fólk streymi frá landinu, tæplega 11.000 manns í fyrra (segir RÚV, Stöð 2 nefnir 9.000 Pólverja og rúmlega 4.000 Íslendinga) og hver verður talan þegar upp verður staðið eftir árið 2010? Ég veðja á að hún verði töluvert hærri. […]
Follow