Ótal margir hafa komið að máli við mig og beðið mig að rjúfa þögnina um gyllinæð, þetta hvimleiða fyrirbæri sem þrýstir sér í formi æðagúlps út um óæðri enda þinn, veldur þér kláða, sársauka og erfiðleikum við hægðir. En er gyllinæð nauðsynlega endalokin? Nei. Hvað er þetta, hver eru ráðin og hvernig er að stíga […]
Mogginn greinir frá því í dag að Kínverjar séu búnir að loka aðgangi að YouTube. Fyrir utan að spyrja sig til hvers þeir séu að standa í því hlýtur maður að líta á þessa aðgerð sem einhvers konar brjálæðislega margfeldisútgáfu á því þegar Orkuveita Reykjavíkur lokaði fyrir Facebook. Af tvennu asnalegu finnst mér bann OR […]
Verslanir Krónunnar eru klósett vikunnar, þó einkum Krónan hér í Mosfellsbæ. Það er ekki einleikið hve oft verðmerkingar á hillum eru rangar og á kassanum reynist verðið svo allt að þriðjungi hærra. Þetta fékk ég að reyna á einhverri pastasósu sem merkt var með 96 krónum í hillu. Meðan ég gekk að kassanum jókst verðbólga […]
Hver man ekki eftir snilldarræmunni ‘The Great Escape’ frá 1963? Ég horfði á þessa mynd upp til agna sem barn og unglingur og á hana enn einhvers staðar á spólu ofan í kassa!
Hópur breskra hermanna minntist þess í gær að 65 ár voru liðin frá flótta þeirra úr fangabúðum Þjóðverja í Póllandi.
Flestir þeir sem komnir eru yfir þrítugt minnast án efa kvikmyndar John Sturges, The Great Escape, frá 1963, þar sem Steve McQueen, Charles Bronson og fleiri góðir menn fóru á kostum sem hópur hermanna í þýskum fangabúðum í Zagan í Póllandi.
Það er japanska veðurstofan sem stendur á bak við þessa nýstárlegu uppfinningu og hefur þegar hleypt 500 eintökum af stokkunum. Frjókornavélmennið er kúlulaga fyrirbæri sem mælir magn frjókorna í andrúmsloftinu og varar ofnæmissjúklinga við reynist magnið yfir ákveðnum mörkum.
Jæja, þá er maður búinn að tryggja sér áhyggjulaust ævikvöld. Lesendur eru beðnir að skima yfir bréfið hér að neðan áður en þeir halda lestrinum áfram. Dear Sir, After the last General Election in my Country Zimbabwe where the Incumbent President Robert Mugabe won the Presidential Election, the Government adopted a very aggressive Land reform […]
Það hlýtur að vera frekar sérstakt að komast að því 22 ára gamall að maður er sonur móður sinnar og afa og það sé hrein lygi og blekkingavefur að systir manns sé virkilega systir heldur í raun móðir. Þetta mátti Theodore Robert Bundy, mun betur þekktur sem Ted Bundy, reyna á eigin skinni. Geðflækjur hans […]
Miranda Walton í Austin í Texas fer ekki í geitarhús að leita ullar. Síður en svo. Hún skipti á gamla Ford-pallbílnum sínum og nokkrum geitum og fær nú úr þeim alla mjólk til heimilisins en ekki er nóg með það. Samkvæmt lögum Texas fær Walton líka skattaafslátt þar sem hún notar landareign sína undir búpening en slíkt er frádráttarbært til skatts.
Í Suður-Súdan gantast íbúarnir með að áfengi sé þeim ákaflega mikils virði. Það hafi kostað þá tveggja áratuga blóðuga borgarastyrjöld að koma sér í þá stöðu að geta fengið sér kaldan bjór að loknum erfiðum, og alla jafna heitum, vinnudegi.
Deva Kumarasiri er frá Sri Lanka og stjórnar pósthúsi í Nottingham. Hann hefur átt í harðvítugri deilu við póstmálayfirvöld í borginni eftir að 
hann tók þá ákvörðun að neita viðskiptavinum, sem ekki eru mæltir á enska tungu, um þjónustu.
Kumarasiri hefur sjálfur búið í Bretlandi í 18 ár og lært tungumálið vel. Hann segir viðskiptavini sem ekki tala ensku tefja afgreiðslu á pósthúsinu og vera almennt til tómra vandræða fyrir starfsfólkið og aðra viðskiptavini.
Kumarasiri segist hafa fengið mikinn meðbyr í þessu baráttumáli en þó sé lítill hópur fólks á annarri skoðun en hann og meðal annars hafi honum borist hótanir frá ýmsum hópum innflytjenda auk þess sem leiðtogi múslimasamfélagsins í Nottingham hafi lagt fram formlega kvörtun við yfirvöld.
Follow