Ég er hjartanlega sammála Ásgeiri Jónssyni, blaðamanni DV, um efni pistils hans Fáviska eða lélegur árangur? í helgarblaðinu. Þar fjallar hann um val á íþróttamanni ársins og reifar umræður um það hvernig á því standi að Gunnar Nelson, keppnismaður á heimsmælikvarða í brasilísku jiu jitsu og bardaga með frjálsri aðferð, komi ekki til greina en […]
Þetta er allt að koma, nú eru ekki nema 30 ár í að ég byrji að reykja aftur en það mun einmitt gerast á 66 ára afmælisdaginn minn, 30. mars 2040. Vorið 2000, nánar tiltekið mánudaginn 29. maí, drap ég í síðustu sígarettunni, Camel lights, með harmkvælum. Á tíu ára reykferli hafði ég auk drómedarastautanna […]
Hella Hueck, sjónvarpsfréttakona hollensku RTL-sjónvarpsstöðvarinnar, heiðraði okkur í Leirutanganum með nærveru sinni í morgun og horfði á Ólaf Ragnar boða fagnaðarerindið. Við túlkuðum fyrir hana að gestrisinna manna sið og um tíma var hún í beinni útsendingu símleiðis í hollenska sjónvarpinu þar sem hún færði löndum sínum tíðindin. Við hefðum auðvitað getað logið hana fulla […]
Maður getur nú bara ekki sagt annað (jú, og gleðilegt ár auðvitað, lesendur nær og fjær þar sem hér fer fyrsti pistill ársins í loftið). Það var virkilega ánægjulegt að verða vitni að því á tólfta tímanum í morgun að Ísland sé enn lýðræði, svona að einhverju leyti. Ég hefði gefið mikið fyrir að sjá […]
Jæja, klukkan 09:00 í morgun bættist ég formlega í stækkandi hóp atvinnulausra Íslendinga þegar ég lauk störfum hjá 365. Ekki mun ég sakna þess að vakna klukkan fimm á morgnana en margs annars mun ég sakna á þessum ágæta vinnustað, kynntist þarna bunka af prýðisfólki. Fyrirsögnin passar ekki alveg, auðvitað fæ ég engar atvinnuleysisbætur þar […]
Vikulega berst mér tölvupóstur með PDF-skjali sem inniheldur mjög ítarlega skýrslu um heimsóknir á þessa síðu. Þar má finna hafsjó upplýsinga, allt frá því hvers konar vafra fólk notar og hvað það eyðir að meðaltali löngum tíma á síðunni yfir í frá hvaða löndum heimsóknirnar koma, Sádi-Arabía kom til dæmis ný inn um daginn en […]
Örfáar línur til að minnast látins starfsbróður, Hrafnkels Kristjánssonar, íþróttafréttamanns Ríkisútvarpsins, sem dó á jóladag eftir hörmulegt umferðarslys á Hafnarfjarðarvegi 18. desember. Hrafnkel þekkti ég ekki persónulega en skilst að þar hafi farið góður drengur. Ég bið fjölskyldu Hrafnkels allrar blessunar á erfiðri stundu og sendi vinnufélögum hans í Efstaleitinu enn fremur kærar kveðjur.
atlisteinn.is óskar lesendum, vinum og velgjörðarmönnum til sjávar og sveita, hérlendis sem erlendis, gleðilegra jóla og farsæls árs 2010 þegar þar að kemur. Stemman og bragurinn hér í Mosfellsbænum eru að verða býsna jólaleg, búið að sjóða jóladagshangikjötið sem nú liggur og kólnar í eigin soði og ætti að verða töluvert ljúft undir tönn annað […]
Það er skynsamleg ákvörðun hjá þjóðþinginu að velja dimmasta dag ársins til að samþykkja frumvarp um manndrápsskatta á þegna sína. Reyndar er þjóðþing mikið öfugmæli þegar rætt er um Alþingi sem mun án efa samþykkja Icesave-frumvarpið með bros á vör þrátt fyrir að 70 prósent kjósenda séu andvígir því. Ítalskur fasistaleiðtogi sagði fyrir 80 árum […]
Það er gæfulegt að splæsa í þennan auma saumaklúbb í Kaupmannahöfn sem 15.000 manns frá 192 ríkjum sitja og karpa um hvað þeir ætli að losa mikið af gróðurhúsalofttegundum. Eftir tveggja vikna rifrildi þar sem hver höndin er uppi á móti annarri er niðurstaðan nákvæmlega engin en ráðstefnan hefur í stað þess vakið heimsathygli fyrir […]
Follow