Loksins getur þetta hyski sem er sívælandi um að ég birtist á Facebook kyngt því að þessi vefur er eitt stórt persónuverndarslys. Þessi frétt RÚV síðan í gær (spóla þarf áfram til 05:58 þegar þetta er skrifað) hlýtur að staðfesta það endanlega að með einföldu tölvuþrjótaforriti er auðveldara að ryðjast inn á þitt svæði á Facebook en að hringja dyrabjöllunni hjá þér. Svo er verið að væla í mér. Öðlist líf (lat. fac ut vivas)!
Ég verð að nota tækifærið og lofa danska forsætisráðherrann Lars Løkke Rasmussen fyrir að ætla fyrir alvöru að skera upp herör gegn innflytjendum í Danmörku. Samkvæmt þessari frétt mbl.is sagði Rasmussen að ‘tími ótakmarkaðs umburðarlyndis gagnvart þeim sem sýna ekkert umburðarlyndi væri á enda. Hann sagði ríkisstjórnina ekki ætla að leggja lengur blessun sína yfir samfélag þar sem slökkviliðsmenn yrðu að vinna undir lögregluvernd og skemmdarverk væru unnin á skólum og uppeldisstofnunum.’ Lái Dönum hver sem vill en ég er gjörsamlega sammála þeim að mörgu leyti. Hvað segðu Pakistanar og Afganar ef við flykktumst heim til þeirra bara til þess að mergsjúga samfélagið og búa út af fyrir okkur án nokkurra tengsla við það? Auk þess að skemma skóla og ráðast á slökkviliðið við störf. Þetta er bara dónaskapur.
Að lokum langar mig til að minnast þess að í dag eru fimmtán ár liðin frá snjóflóðinu á Flateyri árið 1995 þar sem 20 manns týndu lífinu. Ég man vel eftir þessum atburðum, bæði á Súðavík og Flateyri þetta sama ár. Þá voru þetta stærstu hamfarir síðan Vestmannaeyjagosið og eru það vísast til enn.
Follow