| CV-Atli |
| CV-Rosa |
FollowErt þú á felgunni?
Þessar bráðsmekklegu 15 tommu Benz-felgur eru til sölu. Upprunalegar að sjálfsögðu og voru áður á W124-bifreið af gerðinni 230 E sem 
einnig sést hérna og er sárt saknað. Hún andaðist sviplega 8. febrúar 2008. Þetta dökka neðarlega til vinstri á felgunni er ekki skemmd heldur óhreinindi sem ég nennti ekki að þrífa fyrir myndatökuna. Allar felgurnar eru heilar (annað en eigandinn). Umgangurinn fæst á litlar 24.000 krónur m/vsk og er óhætt að segja að enginn verði svikinn af slíkri eðalverðlagningu. Hægt er að ganga frá málinu í síma 898-8030 eða um netfangið atli@atlisteinn.is.
Vantar belju og/eða landnámshænu
Belja og/eða landnámshæna óskast til þátttöku í sjúklegu tilraunaverkefni um sjálfbæra þróun í Mosfellsbæ. Hvorki er gefið að kvikindunum verði skilað á lífi né andlega heilum, sennilega hvorugt.
Ásgeir Þorsteinsson verkfræðingur
Ásgeir Þorsteinsson (Verkfræðingur)
fluttist í herbergi þar sem reyndist vera veggjalús, og varð að flytja hann
á spítala.
-Ljóð eftir Jón Helgason prófessor
Lifur óskast
Óska eftir lítið notaðri lifur fyrir sumarið. Má þarfnast aðhlynningar en helst ekki vera sem sæbarið blágrýti. Ég á eina svoleiðis fyrir.
Hótel- og barprófun
Tökum að okkur að prófa og gera gæðaúttektir á hvers kyns gistirýmum, svo sem hótelum, farfuglaheimilum og almennum gistiheimilum, gegn vægu gjaldi. Fyrir smávægilega aukaþóknun prófar þjónustudeild okkar einnig bari og sundlaugar með tilliti til gæða þess vökva sem þar er í notkun. Fimmti hver bar er prófaður ókeypis. Gerum föst verðtilboð, vönduð og góð vinnubrögð. Bar-efli ehf.