Þarna er sem sagt um að ræða stutt námskeið, Átöppun-101, þar sem sýnt er hvernig tappað er á hvítvínsflösku með áhaldi sem leigja má hjá Ámunni á 500 krónur sólarhringinn. Þetta er einfaldara en maður hélt og svínvirkar. Endilega fylgist með og lærið. Um mína eigin framleiðslu er að ræða, 13% mjög bragðgott hvítvín sem tekur um fjórar vikur í framleiðslu. Ég er nýgræðingur en þetta er einfaldara en ég hélt. Einnig er hægt að kaupa átöppunartæki á 3.990 kr. sem er af annarri gerð en stendur þó fyrir sínu. Ég mæli með þessu.

Follow

Þetta myndskeið lýsir fyrsta hljóðinu sem heyrist þegar hellt er úr flösku af Captain Morgan-rommi. Augnablikið er 30. maí 2009 klukkan 16:22, staðsetning Reyðarfjörður. Skýringar fylgja öllu myndbandinu en um þessa ferð sérstaklega er bent á pistilinn Reyðarfjörður – best geymda leyndarmál Austfjarðaþokunnar undir liðnum Tuð á atlisteinn.is. Skál.

Follow

Þetta myndband sýnir fallega stund. Þarna tek ég fyrsta sopann af áfengum miði eftir að hafa migið ryki í tvo mánuði, 1. janúar til 1. mars 2009. Upptakan er frá því klukkan 00:01 1. mars. Ég stunda það að gerast frábitinn nautn áfengra drykkja frá því að ég legg frá mér tómt glas að morgni 1. janúar ár hvert og þar til þess er 1. dagur marsmánaðar rennur bjartur og fagur. Þegar etanólið blessað seytlar um háræðakerfið eftir átta þurrar vikur verður þessi þurra píslarganga öll þess virði. Ég skora á alla að reyna þessa dásamlegu hreinsun og alsæluna þegar henni lýkur.

Follow

Þetta myndband síðan í september 2007 er nánast óborganlegt. Þarna tekur Guðbjörn Guðbjörnsson, formaður Tollvarðafélags Íslands, myndskeið af því þegar ég sporðrenni mexíkóskri lirfu, baðaðri í eðaldrykknum tequila. Það er greinilegt að þarna stóð góðærið sem hæst, maður leyfir sér ekki núorðið að drekka sjaldgæf skordýr á erlendum flugvöllum. En minningin er góð. Ef glöggt er hlustað má heyra viðbjóðsópin í stúlkunum sem vinna á barnum og létu mér þetta góða staup í té.

Follow